18 авг 15:26
Янгиликлар

Бокс/ММА

Царукян Маурисио Руффига қарши жанг олдидан ўз лақабини ўзгартирди + ФОТО

UFC енгил вазн тоифаси рейтингида иккинчи ўринни эгаллаб турган Арман Царукян 19 сентябрь куни Лос-Анжелесда бўлиб ўтадиган UFC 331 турнирида Маурисио Руффига қарши октагонга чиқади.

Ушбу жанг олдидан Арман ўз лақабини "Бетмен"га ўзгартирди. Бу ҳақда у журналист Ариэль Хельвани билан бўлган интервьюсида маълум қилди. Аввалроқ арманистонлик жангчининг лақаби "Ахалкалакетс" эди — бу унинг келиб чиқиши бўлган Грузиядаги шаҳар номи билан боғлиқ.

Арман Царукян 29 ёшда. Россия-арман жангчисининг профессионал ММА рекордида 23 та ғалаба ва учта мағлубият бор. "Бетмен" аралаш яккакурашлардаги профессионал фаолиятини 2015 йил сентябрида бошлаган, UFC байроғи остида эса 2019 йил апрелидан буён жанг ўтказиб келади. У эркин кураш ва ММА бўйича спорт устаси ҳисобланади.