Царукян Махачев ва дос Аньос билан жанг қилишдан бош тортганини тушунтирди

"Ҳа, жангдан бир ҳафта олдин менга Ислам Махачевни алмаштиришни таклиф қилишди. Буни рад этдим, чунки Исламга қарши эмас, Альварес учун махсус тайёргарлик кўргандим. Агар тайёр бўлмасам, Исламга қарши курашишим мантиқийми? У билан дуелга яхши тайёргарлик кўришим, кураш маҳоратимни оширишим, кўп спарринг ўтказишим керак. Бу бутунлай бошқача жангчи.

Мен шошаётганим йўқ. Мен Бобби Грин эмасман, пул учун жанг қиладиган. Жангни рад этганимда, Альварес Исламга қарши курашади дейишди. Ҳаммаси жойида, деб жавоб бердим. Менимча, улар ҳатто ундан сўрашмаган. Сураганида у жангга рози бўларди.

Иккинчи таклиф Физиевнинг бетоблиги туфайли рақибсиз қолган Рафаэль дос Аньос эди.

Альваресга қарши жанг қилганимда, биринчи раунд тугамаган эди. Шон Шелби менинг менежерим Саятга келаси ҳафта Рафаэл дос Аньос билан жанг қилишимни таклиф қилди. Жангдан сўнг Саят менга ўз таклифини айтди. У рад этишимни аллақачон билган эди. Ҳеч қиси йўқ яна имконият бўлади"- деди Царукян “Вестник ММА” нашрига берган интервюсида. 

Царукяннинг таъкидлашича, Махачев билан реванш жанги унинг UFC'даги энг яхши жанги бўлади.

"Мен учун жуда қизиқарли жанг. Яхши тайёргарлик кўришим учун камида олти ёки этти ҳафта олдин таклиф қилинадиган вақтни кутяпман"- дея қўшимча қилди Царукян

Эслатиб ўтамиз, 2019 йил апрель ойида Арман Царукян UFC'да Ислaм Махачевга ҳакамлар қарор эвазига мағлуб бўлганди. Шундан сўнг, россиялик бешта ғалабага эришган. Ҳозирда енгил вазн тоифаси рейтингида ўн иккинчи поғонани эгаллаб турибди.