08 ноя 10:32
Янгиликлар

Бокс/ММА

Чагаевни мағлуб этган боксчи чемпионни нокаутга учратмоқчи

Профессионал бокснинг супероғир вазн тоифаси WBA йўналишида собиқ жаҳон чемпиони Лукас Браун WBO чемпионлик камари соҳиби Жозеф Паркерга қарши жанг ўтказмоқчи.

Ўз вақтида ҳамюртимиз Руслан Чагаевни техник нокаутга учратган австралиялик бу боксчи Янги Зеландия вакили ҳисобланган Паркерни ҳам муддатидан аввал мағлубиятга учратиш истагида.

“Айни пайтда менга чемпионлик камари жуда ҳам керак. Мен Паркерни нокаутга учратаман. Мен айнан нокаут эвазига ғалаба қозонишни яхши кўрадиган боксчилар тоифасиданман. Ҳакамларга ишни қолдирмоқчи эмасман”, — деди Браун Boxingnews24 сайтига берган интервьюсида.

Маълумот учун, кеча Лукас Браун айнан Паркер билан жанг қилиш истагида Сергей Кузьминга қарши ўтказиши керак бўлган жангидан воз кечганди. Агар томонлар келишиб олишса, Паркер - Браун жанги март ойида ўтказилади.