01 сен 09:47
Янгиликлар

Бокс/ММА

Чарли Эдвардс видеотакор эвазига WBC камарини ўзида сақлаб қолди

Енгил вазн тоифасида WBC йўналиши чемпиони британиялик Чарли Эдвардс Лондонда бўлиб ўтган бокс оқшомида ўз камарини ҳимоя қилди.

Мезбон боксчи мексикалик Хулио Сезар Мартинесга қарши чемпионлик жангида рингга кўтарилди. Жангда бироз кутилмаган ҳолат қайд этилди. Ааалдаги жаҳон чемпиони секинлаштирилган видетакрор эвазига титулини ўзида сақлаб қолди.

Эдвардс деярли жангни бой бераётганди. Учинчи раундда хатто нокаутга ҳам учради. Лекин мексикалик боксчи нокаутли зарбасини Эдвардс тиззалаб қолган пайтда йўллади. Рефери вазиятни ўтказиб юборди.

Мартинес ғолиб деб эълон қилинди. Лекин ҳакамлар ҳайъати ва WBC расмийлари видеотакорни қайта томоша қилиб, жанг натижасини бекор қилишди. Бу вазифани шахсан рингга кўтарилган WBC президенти Маурицио Сулейман бажарди.