Чарльстон. Жаҳоннинг учинчи ракеткаси турнирни тарк этди

Испаниялик теннисчи, дунёнинг учинчи ракеткаси Паула Бадоса турнирнинг чорак финалида WTA рейтингида 21-ўринни эгаллаб турган швейцариялик Белинда Бенчичга 6/2, 6/7, 4/6 ҳисобида ютқазиб, мусобақани тарк этди.

2 соату 50 дақиқа давом этган учрашувда Паула олтита эйс, тўртта брейк ва бешта қўш хатони қайд этди. Белинда эса учта эйс зарбасини амалга ошириб, 14 нинг брейкдан 4 тасидан фойдаланди, олти марта қўш хатога йўл қўйди. Спортчилар тўртинчи марта ўзаро тўқнаш келишди, швейцариялик теннисчи биринчи марта ғалаба қозонди.

Турнирнинг ярим финалида Бенчич россиялик Екатерина Александрова билан ўйнайди.