Чарльз Оливейра Фергюсонни қўллаб-қувватлади, Тони унга жавоб қайтарди

"Биз дивизиондаги энг кучли жангчилармиз, шундай экан кўтарилиш ва пасайиш — биз танлаган йўлнинг бир қисмидир. Сенга жуда ҳам қойилман, Тони. Сенинг октагон ичида тарихинг бор. Олға, Эль Кукуй! Агар хоҳласанг, навбатдаги жангингдан аввал, Сан-Паулудаги ChuteBoxe штаб квартирасида бирга шуғулланишимиз мумкин, оғайни!", - деб ёзган Оливейра ижтимоий тармоқларда.

Фергюсоннинг ҳам жавоби узоқ куттирмади.

"Сени эшитганимдан хурсандман. Диққатингни жамла, Чак. Жамоангнинг тарозида яна хато қилишига йўл қўйма, майлими? Тез орада кўришамиз, оғайни. Яхши йигит бўл, чемпион!", - дея жавоб берган Тони.