Чарльз Оливейра Макс Холлоуэй билан жангда ғалаба қозонишнинг асосий омилини айтди

UFC 326 турнирининг асосий жанги енгил вазн тоифасида ўтказилади ва унда амалдаги BMF камари соҳиби америкалик Макс Холлоуэй собиқ UFC чемпиони Чарльз Оливейрага қарши октагонга кўтарилади. 

Оливейранинг сўзларига кўра, универсаллик унинг Максга қарши жангда ғалаба қозонишини таъминлайдиган асосий омил бўлади.

"Мен ҳам, Макс ҳам катта одамлармиз. Иккаламиз ҳам чиқиб томоша кўрсатадиган жангчилармиз. Лекин мен овчиман, Макс эса йўқ. Мен тик ҳолатда ҳам, партерда ҳам жанг қилавераман. Ўйлашимча, ҳамма фарқ ҳам шунда. Ҳамма нарсани ким кўпроқ хоҳлаши, ким очроқ бўлиши ҳал қилади.

Мен учун қаерда жанг қилишнинг аҳамияти йўқ. Агар у тик ҳолатда жанг қилса, мен тайёрман. Партерга ўтса, бунга ҳам тайёрман. Ҳар қандай сценарийга шайман. Бизнинг фарқимиз шунда. Мен ҳақиқий MMA жангчисиман", - деди бразилиялик.