Чарльз Оливейра UFC билан янги шартнома имзолади

Янги келишув саккизта жангга мўлжалланган. Бу ҳақда бразилиялик мураббий ва менежер Диего Лима AGFight нашрига берган интервьюсида маълум қилди.

"Бу ажойиб келишув эди. Бирорта ҳам ёмон сўз айтиш мумкин эмас, шартнома шунчаки ақл бовар қилмас даражада. Энди Чарльз учун қирқ ёшга тўлгунга қадар жанглар режалаштирилган, шунинг учун унинг фаолиятини якунламоқчи эканлигини айтганлар бироз кутишлари керак бўлади", - деди бразилиялик мутахассис.

Ўтган йилнинг июль ойида Чарльз Оливейра биринчи раунддаёқ Илия Топурияга нокаут билан ютқазиб, енгил вазн тоифасидаги чемпионлик унвонини қайтариб ололмаганди. Кейин октябрь ойида польшалик Матеуш Гамротни енгиб, ўз фаолиятини муваффақиятли йўлга қайтарганди. Шу йилнинг март ойида эса Макс Холлоуэйдан BMF чемпионлик камарини тортиб олди. 

Айни пайтда 36 ёшли бразилиялик UFC енгил вазн тоифаси рейтингида учинчи ўринни эгаллаб турибди. Унинг навбатдаги рақиби россиялик Арман Царукян бўлиши мумкин.