Чарльз Оливейра яқин дўсти Алан Насиментонинг вафотидан кейин илк бор баёнот берди

«Ҳой, дўстлар, охирги 2–3 кун ичида жуда кўп нарсаларни эшитдим... Ахир, мен ҳам оммага танилган инсонман, одамлар билан кўп мулоқот қиламан. Бугун Аланнинг дафн маросими бўлди. У билан видолашаётганимда ҳам, уйга қайтаётган йўлда ҳам жуда кўп ўйладим... Сизларга битта нарсани айтмоқчиман, дўстлар.

Биз аллақачон оғир бир жамиятда яшаяпмиз. Ҳар куни даҳшатли воқеаларни кўряпмиз: болаларга зўравонлик қилинади, ота-оналар калтакланади, одамлар арзимас сабаблар билан бир-бирини ўлдиради... Лекин мен бугун бу ҳақда гапирмоқчи эмасман. Мен сизларга фақат битта нарсани айтмоқчиман.

Яхши кўрадиган инсонларингизни бағрингизга босишдан тўхтаманг. Арзимас жанжаллар туфайли яхши инсонлардан узоқлашманг. Чунки эртага уларни қучоқлаш учун кеч бўлиб қолиши мумкин. Насименто ҳаётим давомида учратган энг меҳрибон инсонлардан бири эди. У ҳақиқий эркак эди. Ҳам октагон ичида, ҳам ундан ташқарида ҳаммага ҳурмат билан муносабатда бўларди. Мен учратган энг интизомли инсонлардан бири эди. У шунчаки уйига борди, ухлаш учун ётди... ва эртаси куни уйғонмади.

Бу жуда оғир... Жуда-жуда оғриқли. Мен шунчаки сизларга шуни айтмоқчи эдим. Бугун қила оладиган ишингизни эртага қолдирманг", дейди Оливейра.