Чарльз Оливейрага янги рақиб берилди + ПОСТЕР

Оқшомнинг асосий жангида енгил вазнда собиқ UFC чемпиони Чарльз Оливейра озарбайжонлик Рафаэль Физиевга қарши октагонга чиқиши керак эди. Аммо Физиевнинг жароҳати сабаб Чарльз рақибсиз қолганди. 

UFC матбуот хизмати бразилиялик 35 ёшли Оливейранинг янги рақибини расман эълон қилди. Чарльз UFC енгил вазн тоифаси рейтингида 8-ўринни эгаллаб турган польшалик Матеуш Гамротга қарши октагонга чиқадиган бўлди. 

Маълумот учун, Оливейра 2008 йилнинг март ойидан бери профессионал ММАда ўз жангларини ўтказиб келмоқда. Унинг ҳисобида 35 ғалаба ва 11 мағлубият бор. Битта жанги ўтказилмаган дея топилганди. Матеуш Гамрот шу йилнинг 1 июнида UFC on ESPN 68 турнири доирасида ҳакамларнинг якдил (30-27, 30-27, 30-27) қарори билан Людовит Клейнни мағлубиятга учратган эди.