Чарльз Оливейранинг Бенил Дариушга қарши жанги бекор қилинди

Енгил вазн тоифасида бразилиялик UFC собиқ чемпиони Чарльз Оливейра навбатдаги жангини 7 май куни Бенил Дариушга қарши ўтказиши лозим эди.

Бироқ UFC 288 турнирининг co main event'и бўлмиш Оливейра — Дариуш жанги бекор қилинган. Бунга Чарльзнинг жангга яқин олган жароҳати сабаб бўлган.

ESPN нашрининг хабар беришича, UFC айни дамда мазкур жангнинг янги санаси устида ишламоқда.

Эслатиб ўтамиз, Чарльз Оливейра ўтган йилнинг 22 октябрь куни Абу-Дабида ўтказилган UFC 280 турнирининг марказий жангида Ислам Махачевга ютқазиб қўйганди. Бразилиялик жангчи ҳисобида 33 ғалаба ва 9 мағлубият бор.

Бенеил Дариуш эса 8 та жангдан иборат ғалабали серия билан бормоқда. У ҳам охирги жангини UFC 280 турнири доирасида ўтказиб, Матеуш Гамротни очколар ҳисобига кўра мағлубиятга учратган эди. Дариуш ММАда 22 ғалаба, 4 мағлубият ва 1 та дуранг қайд этган.