Чарльз Оливейранинг рақиби ва жанг санаси айтилди + ФОТО

Бразилиялик аралаш яккакураш устасининг 17 август куни Австралиянинг Перт шаҳрида ташкил этиладиган UFC 305 турнирида жанг ўтказиши айтилмоқда. Бу хабар бир нечта манбаларда келтирилган. 

Оливейра дивизион рейтингида 11-ўринни эгаллаб турган Янги Зеландия жангчиси Дэн Хукерга қарши октагонга чиқади. Ўз ўрнида Хукер ҳам бу жангга розилик берган. 

"Ҳозирча ҳеч қандай расмий хабар йўқ. Лекин мен бу жангга 100 фоиз тайёрман. Ўйлашимча, бу жангни мухлислар ҳам кутишяпти. Кўрамиз, Чарльз жанг шартномасига имзо чекармикан?", - деди Хукер.

Маълумот учун, 34 ёшли Дэн Хукер икки ғалабали серия билан келмоқда. У Клаудио Пуэльесни нокаутга учратиб, Жэлин Тернерни ҳакамларнинг айри қарори билан мағлубиятга учратганди. 34 ёшли Чарльз Оливейра эса аксинча, сўнгги жангида ҳакамларнинг айри қарори билан Арман Царукянга ютқазиб қўйганди.