UZ

Сўнгги янгиликлар

17:27Глендейлдаги проф бокс оқшоми иштирокчилари тарозига чиқишди 0 17:06"Барселона" тарбияланувчисини қайтармоқчи 0 16:45Содиқ Сафоев Ўзбекистон регби федерацияси раислигига қайта сайланди 0 16:24Нигина Абдураимова Словения турнирида 1/2 финалга чиқди 0 16:03Нурсултон Рўзибоев Дюмадан кейин Маҳмуд Мурадов учун реванш олмоқчи 0 15:42Антуан Гризманн қайтди 0 15:21Конор Макгрегор овқатланиш рационини кўрсатди + ФОТО 0 15:00Сен-Пьер: "Хабибни мағлуб эта олган бўлардим" 0 14:39"Буюк ипак йўли" турнирининг энг яхши боксчиси аниқланди 0 14:18«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи 0 13:57Нурсултон Шавкат Раҳмонов ва Хамзат Чимаев билан жанг қиладими? Рўзибоевнинг ўзи жавоб берди 0 13:36Катя Александрова Miami Open финалига чиқа олмади 0 13:15"Шон битта зарба билан Мерабни таслим этади" - мураббий 0 12:53Пеп Гвардиола «Манчестер Сити»даги келажаги борасида бир қарорга келди 0 12:31Цзю Спенс билан жанг қилиш учун камаридан воз кечишга тайёр 0

24 авг 20:05
Янгиликлар

Футбол

“Чарм тўп-2019”: Республика босқичига қуръа ташланди

Аввал хабар берганимиздек, “Чарм тўп-2019” футбол мусобақасининг финал босқичи Тошкент шаҳрида бўлиб ўтади.

Мусобақанинг финал ўйинида иштирок этиш учун жамоалар Тошкентга етиб келишди. Мусобақа меҳмонларини юқори савиядаги тайёргарлик билан кутиб олиш маросимлари ташкил этилди.

Бироз аввал “Миллий” стадионнинг анжуманлар залида “Чарм тўп-2019” футбол мусобақасининг финал босқичида иштирок этадиган жамоалар вакиллари ҳамда оммавий ахборот воситалари ходимлари иштирокида қуръа ташлаш маросими бўлиб ўтди.

 

Унда Жисмоний тарбия ва спорт вазирининг биринчи ўринбосари О.Касимов, Ўзбекистон футбол ассоциацияси вице-президенти Р.Эрматов, “Чарм тўп” мусобақалари орқали катта футболга кириб келган ўзбек футболининг ёрқин юлдузларидан бири, ҳозирда ЎФА қошидаги Фахрийлар кенгаши раисининг ўринбосари Тўлаган Исоқовлар иштирок этди.

· Биз бежизга бу турнирни ўтказиш учун мамлакатимизнинг бош аренаси – “Бунёдкор” стадионини танламадик, - деди матбуот анжуманида сўз олган Ойбек Касимов. – “Чарм тўп” мусобақаси ҳаваскорлар ўртасида ўтказилади. Ҳаваскор даражадаги футболчиларга миллий терма жамоа аъзолари тўп тепган стадионда жавлон уриш – уларнинг орзулари ушалиши сари муҳим қадам вазифасини ўтаб беради. Ажаб эмаски, ушбу мусобақадаги иштирокидан кейин ҳаваскорларда ҳам катта футболчи бўлиш иштиёқи туғилса. Қолаверса, ўйинларни профессионал ҳакамлар, қайсики Суперлига, Про-лига баҳслари, қолаверса халқаро майдонларда ватанимиз номини улуғлаб келаётган рефериларимиз бошқаришади. Яна бир сирни очмоқчиман, финал ўйинини ҳозирда Ўзбекистон футбол ассоциацияси биринчи вице-президенти сифатида фаолият олиб бораётган Равшан Эрматов бошқаради. Шундай экан, финалга чиққан жамоалар майдонда жаҳон рекордчиси билан ёнма ён ҳаракат қилиш имкониятига эга бўлади. Ўйлайманки, бу ҳам ҳар бир иштирокчи жамоага қўшимча шижоат бағишлайди.

Қуръа натижалари қуйидагича кўриниш олди:

“А” гуруҳи

1. “Мухоман” (Хоразм)

2. “Шеробод” (Сурхондарё)

3. “Ғаллаорол” (Жиззах)

4. “Челачи” (Навоий)

“Б” гуруҳи

1. “Иқбол” (Тошкент.ш)

2. “Ўрикзор” (Самарқанд)

3. “Бахрин” (Фарғона)

4. “Еттигузар” (Сирдарё)

“С” гуруҳи

1. “Оққамиш” (Қашқарарё)

2. “Шодлик” (Тошкент.в)

3. “Неккеши” (Бухоро)

“Д” гуруҳи

1. “Дўстлик” (Қорақалпоғистон)

2. “Яккатут” (Андижон)

3. “Навкент” (Наманган)

Эслатиб ўтамиз, 25 августдан Республика босқичи бошланади. 28 август куни эса финал ўйини бўлиб ўтади.

Юртдошларимизни мамнуният ила ушбу мусобақага таклиф қилиб қоламиз. Марҳамат ташриф буюринг, севимли жамоангизни қўллаб-қувватланг ва футбол байрамидан баҳраманд бўлинг.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг