15 авг 19:09
Янгиликлар

Футбол

“Чарм тўп”нинг Қашқадарё вилоят босқичи старт олди ФОТОГАЛЕРЕЯ

Бугун Қашқадарё вилояти маркази Қарши шаҳридаги “Насаф” мактабининг футбол майдонларида 18 ёшдан 30 ёшгача бўлган маҳалла ёшлари ўртасида “Чарм тўп” анъанавий футбол мусобақасининг вилоят босқичига старт берилди.

Анъанавий “Чарм тўп” футбол мусобақасида вилоятнинг туман (шаҳар) босқичларида ғолиб бўлган 15 та жамоадан 240 нафарга яқин 18-30 ёшли маҳалла ёшлари иштирок этишмоқда.

Мусобақанинг биринчи кунги натижаларига кўра Ғузор туманидан келган “Авғонбоғ” маҳалла фуқаролар йиғини (МФЙ) ёшлари фахрли 3-ўринни эгаллаган бўлсалар, турнирнинг ҳал қилувчи финал йўлланмасига Касби туманининг “Оққамиш” ҳамда Косон туманининг “Навбаҳор” МФЙ ёшлар жамоалари эга чиқишди.

Турнирнинг финал босқичи эртага Қарши шаҳридаги “Геолог” спорт соғломлаштириш мажмуасининг футбол майдонида байрамона тарзда ўтказилади. Ғолиб совриндор бўлган жамоалар диплом, медал, кубок ҳамда эсдалик совғалари билан тақдирланади.