19 окт 11:51
Янгиликлар

От Спорти

Чавандозлар Ўзбекистон кубогида беллашмоқда

Теглар : От спорти Universal Horses Stables

Пойтахтимиздаги “Universal Horses Stables” от спорти клубида конкур бўйича мамлакат кубоги баҳслари бўлиб ўтмоқда.

Мусобақа чавандозларнинг паради билан бошланди ва шундан сўнг беллашувларга старт берилди.

Мамлакат кубогининг “А” гуруҳида 7 ёшдан катта отлар иштирокида 130 см. баландликдаги тўсиқлардан от сакратишда Хуршидбек Олимжонов “Champion League” лақабли оти билан ғолиб бўлган бўлса, "D" гуруҳида Баҳромжон Газиев 120 см. тўсиқдан “La Blue Rouge” номли тулпори билан олтин медалга сазовор бўлди. 5-6 ва 7 ёшли тулпорлар ўртасида ўтказилган “В” тоифасидаги конкур мусобақасида Дилшод Шокиров “Cascade” исмли оти билан зафар қучди.

Шунингдек, 12-14 ёшли болалар "С" тоифасида 110 см. баландликдаги тўсиқлардан от сакратишда ўзаро рақобатлашди. Унда Севинч Назарова “Alice Ji” лақабли тулпори билан мамлакат кубоги ғолибига айланди.