24 ноя 08:11
Янгиликлар
От Спорти
Чавандозларимиз Ал Айн турнирида муваффақиятли қатнашишяпти
БААнинг Ал Айн шаҳрида от спортининг конкур йўналиши бўйича CСI2* таснифидаги халқаро турнирда Ўзбекистон терма жамоаси аъзолари ҳам муваффақиятли иштирок этмоқда.
Турнирнинг 140 см баландликдаги тўсиқлардан сакраш дастурида “Santos Hippica” лақабли тулпори билан иштирок этган ҳамюртимиз Бекзод Қурбонов йўналишни хатосиз 57.13 сонияда босиб ўтди ва биринчи поғонадан жой олди. Шунингдек, ушбу йўналишда иккинчи оти "Matts V.G" билан олтинчи поғонадан ўрин эгаллади.
Мусобақада Ўзбекистон йилқичилик ва от спорти федерацияси раиси Баҳромжон Газиев ва чавандозимиз Абдураҳмон Абдуллаев иштирок этмоқда. Газиев "Lady" лақабли оти билан 130 сантиметр баландликда от сакратишда маррага 70.16 сонияда етиб келган бўлса, Абдураҳмон “Chicarito” лақабли тулпорида бу масофага 74.05 сонияда етиб келди.
Ҳавола :
Манба : uza.uz
Фикрлар