26 сен 10:44
Янгиликлар

Бокс/ММА

Чеченистонлик вазир Макгрегорни “мексикалик товуқ” деб атади

Чеченистон Республикаси миллий сиёсат, ташқи алоқалар, босма ва ахборот вазири Жамбулат Умаров собиқ UFC чемпиони Конор Макгрегорнинг Рамзан Қодиров шаънига айтилган гапларига муносабат билдирди.

“Биз унга UFC устаси сифатида ҳурмат билан қараб келаётгандик. Лекин сўнгги пайтларда у чегарадан ўтиб кетди. Конор ўзини масхарабоз ва шоумендек кўрсатяпти. Унинг матбуот анжуманида Рамзан Қодиров ҳамда Хабиб Нурмагомедовнинг отаси манзилига айтган гапларидан кейин бир фикрга келдим: у руҳий носоғлом!

Конор Макгрегор шунчаки “майда одам”ки, уни хатто Рамзан Қодиров исм-шарифи билан ёнма-ён ёзиш ҳам нотўғри бўлади. Хусейн Халиевнинг вазият юзасидан билдирган фикрларини эса тўлиқ қўллаб-қувватлайман. Макгрегор бу сўзларига жавоб бериши шарт. У ўзини мексикалик хўроздек хис қилиб юборди, аслида у кўпроқ товуққа ўхшайди”, - деди Умаров.