Чеферин 2027 йилдан кейин ҳам УЕФА раҳбари бўлиб қолиши мумкин

Февраль ойида функционер 2027 йилда ўтказилиши режалаштирилган сайловда ўз номзодини қўйишини маълум қилганди. Маълум қилинишича, УЕФА айни дамда муносиб ўринбосар топгани йўқ ва Чеферинни ўз лавозимида қолишга кўндиришга уриниб кўради. Таъкидланишича, УЕФАга аъзо 20 давлат бу ғояни қўллаб-қувватламоқда. Улар ичида Словения, Хорватия, Черногория, Албания, Туркия, Греция, Сан-Марино, Андорра ва Фарер ороллари бор.

Номлари айтилган давлатларнинг фикрича, Чеферин Европанинг қудратли футбол федерациялари қаторида уларнинг ҳам қизиқишларини ҳимоя қила олган. Бу йўлда Александер Чемпионлар Лигаси форматида ислоҳотга қўл урди, Конференциялар Лигасини ташкил этди ва даромад тақсимотини ҳам ўзгартира олди.