Чемпион Перейранинг рақиби Халил Раунтри дисквалификация қилинди, аммо...

Халил 4 май куни допинг учун топширган тест таҳлили ижобий натижа берган. Унинг стероид гормони учун таҳлилида дегидроэпиандростерон моддаси аниқланган. Комиссия Раунтрига тўрт ярим ойлик дисквалификация жазосини қўллади. 

Шунга қарамай, америкаликнинг яримоғир вазн тоифаси чемпиони, бразилиялик Алекс Перейрага қарши жанги ўз кучида қолди. Сабаби, дисквалификация муддати чемпионлик жангига қадар якунига етар экан. Перейра - Раунтри жанги 5 октябрь куни Солт-Лейк-Сити шаҳрида ўтказиладиган UFC 307 турнирининг марказий жанги бўлади. 

Гап шундаки, Халил Раунтри ўзи ташаббус кўрсатиб тест топширган. Унинг организмига тақиқланган препарат спорт қўшимчалари орқали тушиб қолган. Ишлаб чиқарувчи ўзи билмаган ҳолда Халилга ушбу маҳсулотни етказиб берган.