Чемпионлик камарини ҳимоя қилишга отланган боксчимиз тарозидан муваффақиятли ўтди ФОТОГАЛЕРЕЯ

Эътиборлиси, оқшомнинг марказий жангида ҳамюртимиз Равшанбек Умурзоқов ўзига тегишли WBA Asia чемпионлик камарини ҳимоя қилади. Унинг рақиби филиппинлик Ролдан Алди бўлади. Ушбу чемпионлик жанги 10 раунддан иборат бўлади. Бугун боксчилар тарозидан ўтиш маросимида иштирок этишди. 

Маълумот учун, Умурзоқов проф рингда 9 та жанг ўтказган бўлиб, уларнинг барчасида ғалаба қозонган. Еттита жангда рақибларини муддатидан аввал нокаутга учратган. 25 ёшли Ролдан эса 22 та жанг ўтказган. Ҳисобида 14 та ғалаба, 7 та мағлубият ва битта дуранг бор. Саккизта жангда нокаут эвазига зафар қучган. Учта жангда эса ўзи нокаутга учраган.     

Екатеринбургдаги бокс оқшомида яна бир ўзбекистонлик боксчи ҳам ўзининг навбатдаги жангини ўтказади. Сардор Музаффаров россиялик Магомед Курбановга қарши рингга чиқади. Магомед 4 та жанг ғалабага эришган, учтаси нокаут билан. Сардор эса 3 та жангда зафар қучиб, иккитасида ютқазган.