"Чендлер Пимблеттни икки раундда нокаут қилиши мумкин" - Чарльз Оливейра

"Майкл Чендлер – жуда тажовузкор ва "портлайдиган" жангчи. Унга ҳурматим баланд.

Пэдди Пимблетт – ўз кучига ишонадиган ёш жангчи. У яхши ҳаракат қилади, ажойиб жиу-житсу маҳоратга эга ва микрофон олдида ҳам яхши.

Аммо тажриба муҳим аҳамиятга эга. Дастлабки икки раундда Чендлерда нокаут учун имконият бўлади. Агар баҳс учинчи раундгача ўтса, Чендлер қийналади деб ўйлайман", - деди UFC’нинг собиқ чемпиони Чарльз Оливейра.

Майкл Чендлер ва Пэдди Пимблетт ўртасидаги жанг 13 апрель куни Майамидаги UFC 314 турнирида бўлиб ўтади.