Чимаев вазн тоифасини ўзгартириб, иккинчи UFC камари учун жанг қилади

Хабарларга қараганда, чеченистонлик мағлубият нималигини билмай келаётган 31 ёшли аралаш яккакураш устаси 11 апрель куни Майами шаҳрида бўлиб ўтадиган UFC 327 турнирининг асосий жангида чехиялик Иржи Прохазкага қарши октагонга чиқиши мумкин. Ушбу жангда ўртага ярим оғир вазн тоифасида вакант бўлиб қолиши кутилаётган чемпионлик камари қўйилади.

Бу ҳақда Х ижтимоий тармоғида журналист Кевин маълум қилди. Ушбу хабарлар фонида тахминан бир соат олдин Чимаев Х тармоғида 205 рақами билан пост қолдирган, бу унинг 205 фунтгача бўлган вазн тоифасига ўтганига ишора бўлиши мумкин.

Шу билан бирга, ярим оғир вазн тоифасининг амалдаги чемпиони Алекс Перейра қаерда жанг қилиши ҳозирча маълум қилинмаган. Аввалроқ у Оқ уйда оғир вазн тоифасида Жон Жонсга қарши жанг ўтказиши мумкинлиги ҳақида хабарлар тарқалган эди.