UZ

Сўнгги янгиликлар

18:43Нурсултон Рўзибоев тарози маросимида иштирок этди 0 18:30АПЛ болбойларнинг ўйинга таъсирини чеклайди 0 18:09Хабиб Нурмагомедов Сен-Пьерга жавоб қайтарди 0 17:48Сен-Пьер Хабиб билан эҳтимолий жанг ҳақида: "Мен 42 ёшдаман..." 0 17:27Глендейлдаги проф бокс оқшоми иштирокчилари тарозига чиқишди 0 17:06"Барселона" тарбияланувчисини қайтармоқчи 0 16:45Содиқ Сафоев Ўзбекистон регби федерацияси раислигига қайта сайланди 0 16:24Нигина Абдураимова Словения турнирида 1/2 финалга чиқди 0 16:03Нурсултон Рўзибоев Дюмадан кейин Маҳмуд Мурадов учун реванш олмоқчи 0 15:42Антуан Гризманн қайтди 0 15:21Конор Макгрегор овқатланиш рационини кўрсатди + ФОТО 0 15:00Сен-Пьер: "Хабибни мағлуб эта олган бўлардим" 0 14:39"Буюк ипак йўли" турнирининг энг яхши боксчиси аниқланди 0 14:18«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи 0 13:57Нурсултон Шавкат Раҳмонов ва Хамзат Чимаев билан жанг қиладими? Рўзибоевнинг ўзи жавоб берди 0

13 фев 21:50
Янгиликлар

Бошқалар

Чимёнда эко-сайёҳлик спорт фестивали ўтказилмоқда + ФОТО

Теглар :  Чимён
Жисмоний тарбия ва спорт вазирлиги ташаббуси билан 12-14 февраль кунлари Тошкент вилояти Чимён қишлоғида "Чимён-Эхо-2021" ва "Чимган экстрим-2021" қишки экстремал спорт турлари фестивали ўтказилмоқда.

Айни пайтда мамлакатимиздаги вазирликлар, идоралар ҳамда йирик ташкилотларнинг спорт тарғиботчилари, шунингдек 20 нафардан ортиқ оммавий ахборот воситалари ходимлари Чимёндаги "Ёшлар оромгоҳи"да бўлиб туришибди.

Бугун, 13 февраль куни баскетбол, волейбол, бадминтон ва мини-футбол каби спорт турларидан мусобақалар ташкил этилди. Унда ташкилотларнинг спорт тарғиботчилари, шунингдек ОАВ вакиллари ҳам иштирок этишди. Бундан ташқари, кун давомида махсус ўқув-семинар ҳам бўлиб ўтди ва унда тарғиботчилар учун ўз ташкилотларида спорт мусобақаларини ташкил этиш бўйича тушунтиришлар бериб борилди. 


"Ушбу тадбирни ташкил этишдан мақсад Муҳтарам юртбошимизнинг "Қишки спорт турларини ривожлантириш чора-тадбирлари тўғрисида"ги қарорлари, шунингдек Вазирлар Маҳкамасининг "Аҳолининг соғлом турмуш тарзини қўллаб-қувватлаш ва жисмоний фаоллигини оширишга доир қўшимча чора-тадбирлар тўғрисида"ги қарор ижроларини таъминлашга қаратилган. 


Ушбу фестивалимизда Республикамизнинг вазирлик ва йирик ташкилотларида фаолият олиб бораётган спорт тарғиботчилари, қолаверса ОАВ ходимлари иштирок этишмоқда. Фестиваль давомида бир неча йўналишда мусобақалар ўтказилади ва муваффақиятли иштирок этган ҳаваскор спортчиларга эсдалик совғалари тақдим этилади", - деди ушбу фестиваль ташкилотчиларидан бири Умид Ражабов.


"Мазкур фестивалда нафақат ташкилотларнинг спорт тарғиботчилари, балки оммавий ахборот воситалари ходимларининг спортчи сифатида иштирок этаётганликлари қувонарли ҳол. Зеро ОАВ ходимлари ҳам аслида спорт тарғиботчилари ҳисобланишади. Юртимизда фаолият олиб бораётган ОАВ ходимлари Жисмоний тарбия ва спорт вазирлиги ташаббуси билан ҳозирда "Ёшлар оромгоҳи"га келишган. Улар фестиваль тафсилотларини ёритиш билан бир қаторда, ўзлари ҳам мусобақаларда фаоллик кўрсатишмоқда", - деди вазирлик матбуот хизмати раҳбари Отабек Эшмаматов.

Эртага дастур бўйича қишки спорт турларига бағишланган тадбирлар ташкил этилади.

Азиз Тўхтамуродов

Фото: Алимурод Мамадаминов

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг