03 мар 09:26
Янгиликлар

Оғир атлетика

Чирчиқда оғир атлетика бўйича Ўзбекистон чемпионати ўтказилади

Тошкент вилоятининг Чирчиқ шаҳрида икки ёш тоифасида Ўзбекистон чемпионати ташкил қилинади.

Ўзбекистон давлат жисмоний тарбия институти манежида бўлиб ўтадиган баҳсларда Республикамизнинг барча вилоятидан ташриф буюрадиган спортчилар иштирок этади.

14-15 март кунлари 2001-2005 йил таваллуд топган спортчилар ўртасида мусобақа ўтказилса, 16-17 март кунлари 1998-2001 йилларда туғилган ёш полвонлар ўзаро беллашадилар.

Таъкидлаб ўтиш лозимки, ушбу мусобақалар 20-30 апрель кунлари Урганч шаҳрида ўтказиладиган Осиё чемпионатига тайёргарлик вазифасини бажаради. Ушбу Осиё чемпионатида Аргентинанинг Буэнос-Айрес шаҳрида ўтказиладиган III ёзги ўсмирлар Олимпия ўйинларига лицензиялар берилади.