22 авг 11:16
Янгиликлар

Теннис

Чорич - Цинциннати "Мастерс" ғолиби!

АҚШнинг Цинцинатти шаҳрида ўтказилган теннис бўйича "Мастерс" сериясига кирувчи нуфузли турнир ўз якунига етди.

Мусобақа бош соврини дунёнинг 152-ракеткасига насиб этди. Хорватиялик Борна Чорич финал учрашувида дунёнинг 7-ракеткаси бўлиб турган грециялик Стефанос Циципасни 7/6(0), 6/2 ҳисобида мағлубиятга учратди. Теннисчилар ўртасидаги ўзаро учрашувда Чорич ҳисобда олдинга чиқди - 2:1.

Икки дақиқаси кам 2 соат давом этган баҳсда Чорич 7, Циципас 6 та эйс зарбасини амалга оширди. Қўшхатолар Борнада 2, Стефаносда 4 тани ташкил қилди. Western & Southern Open турниридаги ғалаба Чоричга 1000 рейтинг очкоси ҳамда 970,020 доллар мукофот пули келтирди.

Хорватиялик теннисчи фаолиятида илк бор "Мастерс" турнири бош совринини қўлга киритди. Шунингдек, у рейтинги энг паст "Мастерс" чемпионига ҳам айланди.