UZ

Сўнгги янгиликлар

10:05Олтин учун 40 млн. Сирдарёда Ханчжоу-2022 Осиё ўйинларининг ғолиб ва совриндорлари тақдирланди 0 09:42АПЛ. Гордоннинг голи "Ньюкасл"га МЮ устидан ғалаба тақдим этди 0 09:21Райан Гарсия Оскар Дуартени нокаутга учратиб, фаолиятидаги навбатдаги ғалабани қўлга киритди 0 09:00Царукян, Тёрнер, Фигейредода ғалаба. UFC Fight Night 233 мусобақасининг барча натижалари ва бонус соҳиблари билан танишинг 0 08:30UFC Austin турнирининг марказий жангида Арман Царукян Бэнил Дариушни нокаутга учратди 0 21:48Таэквондо. Манчестер финал Гран-присининг илк кунида Шуҳрат Салаев чорак финалга қадар етиб борди 0 19:15К-Лига охирги турида "Канвон" дуранг ўйнади. Алибоев эса 90 дақиқа ҳаракат қилди 0 18:53WTA Якуний турнир бўйича Саудия Арабистони билан узоқ муддатли шартнома тузиши мумкин 0 18:32Жамал Хиллнинг менежери спортчининг қамалиши бўйича изоҳ берди 0 18:10World Aquatics россиялик сузувчига Ўзбекистон терма жамоасига ўтишга рухсат бермади 0 17:38"Бавария" - "Унион" учрашуви кучли қор ёғиши туфайли қолдирилди 0 17:13Усикнинг промоутери Фьюри билан реванш ҳақида гапирди 0 16:42Янник Синнернинг асосий мақсади айтилди 0 16:16Қиличбозлик. Бугун пойтахтимизда ёшлар ўртасидаги Жаҳон кубоги босқичи старт олди + ПОСТЕР 0 15:38Паоло Мальдини "Милан" раҳбариятини танқид қилди 0

07 ноя 19:58
Янгиликлар

Гимнастика, Токио-2020

Чусовитина Токио Олимпиадасига тузган режаси ва фаолиятидаги янгиликлари билан ўртоқлашди

Ўтган ой Германиянинг Штутгарт шаҳрида ўтган спорт гимнастикаси бўйича жаҳон чемпионати афсонавий спортчимиз Оксана Чусовитина учун тарихий мусобақа бўлиб қолди.

Боиси ушбу турнир орқали ҳамюртимиз ўз фаолиятида саккизинчи бор Олимпия ўйинлари йўлланмасига эга бўлди. Таъкидлаш жоиз, гимнастикачимиз бунгача ҳам ўз натижалари билан ҳали фаолиятини якунламасдан туриб “Гиннеснинг рекордлари” китоби ва “Халқаро гимнастика шон-шараф зали”га ўз номини ёздириб қўйди. Спортчимиз айни пайтда Олимпия ўйинларига тайёргарликни бошлаб юборган бўлсада, биз билан суҳбат учун вақт ажрата олди. 

– Аввало, сизни яна бир Олимпия ўйинларига йўлланма қўлга киритганингиз билан самимий муборакбод этамиз. Бу мамлакатимиз спорти учун ҳам жуда катта ютуқдир. Токио-2020 сиз учун саккизинчи Олимпиада бўлади.
– Раҳмат сизга, бу мен учун ёқимли. Токиода мен бор маҳоратимни ишга солишга ҳаракат қиламан.

– Штутгартда қандай йўналиш бўйича лицензия олдингиз?
– Лицензия қўлга киритиш осон бўлгани йўқ, албатта. Мен мусобақада кўп кураш йўналиши бўйича кўрсатган натижам эвазига йўлланма олдим. Бундан ташқари таяниб сакраш бўйича ҳам яна бир машқни тайёрлаб келган эдим. Афсуски, дастлабки чиқишни бажараётиб ерга тушиш пайтида бироз мувозанатни йўқотиб қўйдим ва бу хато мусобақани охиригача давом эттира олишимга тўсқинлик қилди. Балки бу ҳам яхшиликкадир. Ҳар нарсадан ҳикмат қидириш керак.

– Энди Олимпиадага қандай тайёрланасиз? Машғулотларингиз қаерда бўлади?
– Олимпиадага лицензия олиб бўлдим ва энди шошилмасдан тайёрланишимдан хурсандман. Эндиги иштирокимни январда бўладиган Жаҳон кубоги босқичларидан бошлайман. Айнан ушбу мусобақалар тайёрлаб қўйган мураккаб элементларимни Токио Олимпиадасигача синаб кўриш ва уларни шакллантириш учун яхши имконият беради.

– Бу дегани сиз 2020 йил ҳисобидан Токио Олимпиадасигача бўлган мусобақаларда иштирок этасиз . . .
– Йўқ, ҳаммасида ҳам эмас. Мен асосан тикланиш машғулотларига эътиборимни қаратаман. Етарли куч йиғишим учун орада оилам ва яхши ҳордиқ чиқариш учун ҳам вақт ажратиш ниятидаман.

– Қуйидаги саволимиз кўпчиликни қизиқтириши табиий: саккизинчи Олимпия ўйинларига йўлланма қўлга киритишингиз эълон қилинганидан сўнг нималарни ҳис қилдингиз, қандай ҳаёжон кечди?
– Биласизми, сўнгги жаҳон чемпионати бутун фаолиятим давомидаги энг оғир кечган дунё биринчилиги бўлди. Биргина квалификациянинг ўзи икки кун ўтди ва бу ҳар қандай спортчи учун нафақат жисмонан, балки руҳан катта қийинчилик туғдиради. Албатта, шунча рақибларим билан кечган рақобатда навбатдаги Олимпия ўйинларига йўлланма олганимни эшитгач тасвирлаб бера олмайдиган даражада хурсанд бўлдим. Аммо мусобақага тайёрлаб келган режаларимнинг барчаси ҳам амалга ошмай қолди. Бу мен кўрсата олишим мумкин бўлган максимал натижа эмас, деб ўйлайман.

– Умид қиламизки, сиз жаҳон ареналарида ҳали кўп бор зафар қучишга муваффақ бўласиз. Токио Олимпиадасида сизни қайси йўналишда кўрамиз?
– Токиода тўсин ва таяниб сакраш машқларида иштирок этмоқчиман. Жаҳон чемпионатидаги кўпкураш менга лицензия олишим учун керак эди холос. Албатта, барибир катта эътиборни таяниб сакраш машқига қаратаман. Асосийси, Олимпиадагача жароҳатларсиз етиб бориш.

– Сиз замонамизнинг энг ёрқин спортчиларидан бирисиз. Сизни ғалабалар сари нима руҳлантиради? Шу ҳақидаги сирингизни айтинг.
– Мен ҳамма қатори оддий инсонман. Ҳеч қандай сир ва ақл бовар қилмас нарсаларга эга жойим йўқ. Мени энг кўп оилам ва яқинларим руҳлантиради. Ўйлайманки, инсон уйига келганида уни доим қўллаб-қувватлайдиган ва руҳлантирадиган оиласини хурсанд кўргач ҳамма нарсага қодир бўлади. Ҳаётимда мен учун энг муҳими оилам.

– Галдаги саволни бериш бироз аламли, лекин кўпчилик учун қизиқ. Катта спортдан кетиш ҳақида бирор қарорга келдингизми?
– Бу ҳақида яқинда айтиб ўтган эдим. Токио Олимпиадаси мен учун сўнгги мусобақа бўлади. Аммо бу мени спорт билан шуғулланмайди дегани эмас. Ҳозирда болалар учун ўз спорт клубимни очиш ишлари билан бандман. Келажакда гимнастикани Республикамизнинг барча вилоятлари бўйлаб янада ривожлантиришга ўз хиссамни қўшмоқчиман.

– Сизга мустаҳкам соғлик ва муваффақиятлар тилаб қоламиз. Чин дилдан ишонамизки, Токио Олимпиадаси сиз-у биз учун энг ёрқин хотиралар билан ёдда қолади.
– Раҳмат.

Рейтинг:    

Фикрлар

   
08 ноя 11:31:38
ТМТ
БИР СЎЗ БИЛАН ҚОИЛ!
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг