23 апр 10:54
Янгиликлар

Теннис

Циципас Барселонани забт этиш учун учинчи бор уриниб кўради

Дунёнинг бешинчи ракеткаси Стефанос Циципас Барселона турнири финалчисига айланди.

Грециялик теннисчи 1/2 финал учрашувида ATP рейтингининг 20-поғонасида бораётган италиялик Лоренцо Музеттини уч сет натижасига кўра мағлубиятга учратди - 6/4, 5/7, 6/3.

Икки соату 29 дақиқа чўзилган баҳсда Циципас 5 та эйс, 4 та қўшхато ва 6 та брейк қайд этди. Теннисчиларнинг ўзаро учрашувларидаги ҳисоб янада йириклашди - 4:0.

Бугун Стефанос бош соврин учун испаниялик Карлос Алькаразга қарши кортга чиқади. Бу Циципаснинг Барселонани забт этиш йўлидаги учинчи уриниши бўлади. Бундан аввалги финалларда у 2018 ва 2021 йилларда Рафаэль Надалга имкониятни бой берган эди.