Циципас кучли теннисчилар қаторида русларнинг кўплиги сабабини айтди

Агарда ATP-2023 Якуний турнирга етиб келган теннисчиларга аҳамият берадиган бўлсак, 8дан 4 нафари ёки россиялик (Даниил Медведев, Андрей Рублёв) ёки рус қони бор (Александр Зверев 1991 йилда СССРдан Германияга кўчиб ўтган, Циципас эса россиялик собиқ теннисчи Юлия Сальникованинг фарзанди).

"Менимча гап тартиб-интизомда. Собиқ Иттифоқда нималар бўлганини билиш учун мен ким бўлишим керак? Айтишим мумкинки, ўшанда одамлар оғир даврлардан ўтишган, буни онам мисолида айтишим мумкин. Ҳаёт осон бўлмаган, у курашишга мажбур бўлган. Бу унинг характерига, ички ҳиссиётларида ҳам ўрнашиб қолган.

Онам жуда кучли, тартибли ва ўз мақсади учун қурбонлик қилишдан қайтмайдиган аёл. Бу нарса унинг фарзандларига ҳам ўтган бўлса керак деб ўйлайман. Умуман олганда, болалигимдан бу нарса тарбиямнинг бир қисмига айланган", - деди Циципас.