26 июн 13:01
Янгиликлар

Теннис

Циципас - Мальорка турнири ғолиби!

Испаниянинг Мальорка оролида ўтказилаётган теннис бўйича ATP турнири якунига етди.

Бош соврин дунёнинг олтинчи ракеткаси Стефанос Циципасга насиб этди. Грециялик теннисчи ҳал қилувчи финал учрашувида ATP рейтингининг 20-поғонасидан жой олган испаниялик Роберто Баутиста-Агутни 6/4, 3/6, 7/6(2) ҳисобида мағлуб этди.

Теннисчилар кортда 2 соату 34 дақиқа ҳаракат қилишган. Циципас 8, Агут 6 та эйс зарбасини ижро этган. Ўзаро учрашувлардаги ҳисоб 3:0 кўринишига келди. Мальоркадаги муваффақиятли иштирок Стефаносга 250 рейтинг очкоси ҳамда €134,835 мукофот пули келтирди.