Циндао "Мастерс" турнирига қуръа ташланди

Дунёнинг 5 қитъаси 68 мамлакатидан жами 454 (236 эркак ва 218 аёл) нафар дзюдочи иштирок этадиган мусобақада Ўзбекистон терма жамоасининг 11 аъзоси ҳам медаллар ҳамда Токио-2020 Олимпиадаси йўлидаги муҳим рейтинг очколари учун баҳсларга киришади. 

Бундан бир неча дақиқа аввал мусобақага қуръа ташлаш маросими бўлиб ўтди. Унга кўра, дзюдочиларимиз илк рақибларини билиб олишди. Рейтинги энг юқори бўлган дзюдочимиз, жаҳон чемпионатининг кумуш медали совриндори Шарофиддин Лутфуллаев илк даврада хитойлик Рилеге Суга қарши татамига чиқади. -60 кг вазндаги иккинчи дзюдочимиз, Рио-2016 Олимпиадасининг бронза медали соҳиби Диёрбек Ўразбоев эса амалдаги жаҳон чемпиони, грузиялик Лукхуми Чхвимиани билан ҳисоб-китоб қилади.   

Мусобақа ғолибига 1800 рейтинг очкоси тақдим этилиши Циндао “Мастерс” турнирига бўлган қизиқишни яна ҳам оширган. 

Қуръа натижаси:

-60 кг: 

Шарофиддин Лутфуллаев - Рилеге Су (Хитой) биринчи давра

Диёрбек Ўразбоев - Лукхуми Чхвимиани (Грузия) биринчи давра

-66 кг: 

Шаҳрам Аҳадов - Михаил Пуляев (Россия) иккинчи давра

Сардор Нуриллаев - Маттео Медвес (Италия) иккинчи давра

-73 кг: 

Ҳикматуллоҳ Тўраев - Жулам Шан (Франция) биринчи давра 

-81 кг: 

Шарофиддин Болтабоев - Антонио Эспозито (Италия) иккинчи давра

Камолиддин Расулов - Ригаки Наи (Хитой) иккинчи давра

-100 кг: 

Муҳаммадкарим Ҳуррамов - Казбек Занкишиев (Россия) биринчи давра

+100 кг: 

Бекмурод Олтибоев - Йоханнес Фрей (Германия) биринчи давра

Қизлар

-52 кг: 

Диёра Келдиёрова - Шарлин Ван Сник (Бельгия) биринчи давра

-70 кг: 

Гулноза Матниязова - Саки Низое (Япония) иккинчи давра