Coca Cola Суперлига. Бугун Андижонда "Локомотив", Қаршида "Қизилқум" меҳмон

Coca Cola Суперлига. 14-тур

АНДИЖОН – ЛОКОМОТИВ

10 сентябрь 2020 йил. Андижон. "Соғлом Авлод" стадиони. 16:45

Ҳакамлар: Шавкат Насибуллаев, Артём Калинин, Султонмурод Улфатов, Ғайрат Жўраев

Назоратчи: Олег Дачев

Комиссар: Зоҳид Акрамов

Бу мавсум сўнгги 5та турда 5 марта мағлуб бўлган "Локомотив" охирги 3та турда 3 марта мағлуб бўлган "Андижон" меҳмони бўлади.

Ушбу жамоалар ҳозирга қадар 22 марта ўзаро ўйин ўтказишган. 15 марта "Локомотив", 4 марта "Андижон" ғолиб бўлган. Яна 3та учрашувда ғолиб аниқланмаган. Тўплар нисбати "темирйўлчилар" фойдасига: 45:21.

"Локомотив" бу жамоага қарши кечган охирги 9та ўйиннинг барчасида ғолиб бўлган. Сўнгги марта "Андижон" 2010 йилги мавсумда "темирйўлчилар"ни таслим қила олган экан.

Coca Cola Суперлига. 14-тур

НАСАФ – ҚИЗИЛҚУМ

10 сентябрь 2020 йил. Қарши. "Марказий" стадиони. 20:00

Ҳакамлар: Жасур Мухторов, Аваз Абдуллаев, Сардор Нишонбоев, Рустам Чориев

Назоратчи: Марат Исмоилов

Комиссар: Муҳаммад Содиқ Содиқ-Охунов

Бу мавсум ўз майдонида умуман мағлуб бўлмаган "Насаф" (3та ғалаба, 3та дуранг) охирги 4та турда умуман ютқазмаган "Қизилқум"ни (2та ғалаба, 2та дуранг) қабул қилади.

Бу клублар Ўзбекистон чемпионатида бугунга қадар 42 бор куч синашишган. "Насаф" ҳисобида 24та ғалаба бор, "Қизилқум"да эса 7та. Яна 11та ўйинда томонлар муроса кўчасини танлашган.

"Насаф" ўзаро ўйинларда 75та гол урган ва 44та гол ўтказиб юборган. Ўзаро ўтган сўнгги 3та ўйинда "аждарлар" бу жамоани умуман мағлуб эта олишмаган - 2 дуранг ва 1 мағлубият. Қаршида ўтган 21та учрашувнинг фақат биттасида "Қизилқум" ғалабага эришган - 2008 йил.