Contender Series`нинг барча ғолиблари UFC`дан шартнома олишди

Эътиборга молик жиҳати шундаки, ўтказилган 5 та жангнинг барчасида ғалаба қозонган аралаш яккакураш усталари дунёнинг энг кучли Лигаси ҳисобланган UFC промоушени билан шартнома имзолаш имкониятини қўлга киритишди.   

Даъвогарлар турнирининг асосий жангида бразилиялик ярименгил вазн тоифаси вакили Жозе Делано ҳакамларнинг якдил қарори (30-27, 30-27, 30-27) билан аргентиналик Мануэль Экспозитони мағлубиятга учратди. Қолган жанглар эса техник нокаут билан якунига етди. 

Турнирнинг барча натижалари:

Жозе Делано Мануэль Экспозитони очколар ҳисобига кўра енгди (30–27, 30–27, 30–27)

Кэмерон Роустон Брэндон Холмсни 1-раундда техник нокаутга учратди (тирсак билан зарба) – 1-раунд, 2:58

Луис Ли Скотт Каушика Сайкумарани техник нокаут қилди (зарба) – 3-раунд, 2:20

Жош Хокит Гильерме Уриелани техник нокаут эвазига ютди (тирсак билан зарба) – 2-раунд, 1:06

Рамиро Хименес Томми Куоццини техник нокаутга учратди (тирсак ва қўл билан зарба) – 1-раунд, 2:53

Contender Series турнири якунланганидан кейин UFC раҳбари Дана Уайт австралиялик ўрта вазн тоифаси вакили Кэмерон Роустон 27 сентябрь куни Австралиянинг Перт шаҳрида ўтказиладиган турнирда промоушендаги дебют жангида октагонга кўтарилишини эълон қилди.