Цзю — Чарло мутлақ чемпионлик жанги номаълум муддатга қолдирилди

Ушбу жанг 28 январь куни АҚШнинг Лас-Вегас шаҳрида мағлубият нималигини билмай келаётган австралиялик Тим Цзю ҳамда америкалик Жермелл Чарло ўртасида ўтказилиши белгиланган эди. Жангнинг қолдирилишига Чарлонинг машғулотда орттириб олган жароҳати сабаб бўлди. Жермель чап қўлини синдириб олган.   

Маълумот учун, Чарло проф рингда 35 та жанг ўтказган бўлиб, 33 ғалаба, 1 дуранг ва 1 мағлубият қайд этган. Сўнгги жангини шу йилнинг май ойида Брайан Карлос Кастаньога қарши ўтказиб, техник нокаут эвазига ғалаба қозонган эди. Тимофей эса 21 та жангининг барчасида зафар қучган.