05 окт 09:51
Янгиликлар
Бокс/ММА
Даҳшат! Алекс Перейра Магомед Анкалаевни биринчи раунднинг ўзидаёқ муддатидан аввал мағлуб этиб, камарини қайтариб олди!
Америка Қўшма Штатларининг Лас-Вегас шаҳрида аралаш якка кураш бўйича UFC 320 мусобақаси ниҳоясига етди.
Мусобақанинг марказий жангида ярим оғир вазн тоифасининг россиялик амалдаги чемпиони Магомед Анкалаев ҳамда вазннинг бразилиялик собиқ чемпиони Алекс Перейра тўқнаш келди.
5 раундлик титул жанги дастлабки раунддаёқ ниҳоясига етди. Алекс Перейра Магомед Анкалаевни кетма-кет зарбалари орқали пассив ҳимояга тушириб, техник нокаут орқали таслим этди.
Эслатиб ўтамиз, улар ўртасида ўтказилган март ойидаги илк баҳсда Магомед Анкалаев очколар ҳисобига кўра ғалаба қозонган эди.
Ҳавола :
Манба : olamsport.com
Фикрлар