Дана Уайт Алекс Перейранинг оғир вазнга ўтишига муносабат билдирди

"Гап менга унинг қарорининг ёқмаслигида эмас. Бу йигит биринчи ўрта вазнда жанг қилди. Кейин яримоғир вазнга кўтарилди. Бу вазнда у бир нечта жанг ўтказди, чемпионлик камарини ҳимоя қилди. Лекин бу яримоғир вазнда ҳаммани текислаб ўтиб кетди ва шу боисдан оғир вазнга ўтаяпти дегани эмас. Мен ҳеч нарса дея олмайман. Агар шуни истаётган бўлса, марҳамат оғир вазнга ўтиб, ўзини синаб кўрсин. Алекс жангги 104 кг вазн билан чиқди. Чак Лидделл ва Форрест Гриффин 104 кг вазнга эга бўлиб, 93 кг учун вазн ташлашган. Бу унчалик ҳам кўп эмас", - деди Уайт. 

Эслатиб ўтамиз, кеча Лас-Вегасда ўтган UFC 303 турнирининг марказий жангида Алекс Перейра иккинчи чемпионлик ҳимоя жангини ўтказиб, дивизионнинг собиқ чемпиони Иржи Прохазкани иккинчи раундда нокаутга учратганди. Жангдан кейин Алекс ўзини оғир вазнда синаб кўриш истагида эканини айтган эди.