12 июн 15:28
Янгиликлар

Бокс/ММА

Дана Уайт Царукян Гэтжининг ғалабаси учун 1 млн доллар тикканлиги ҳақидаги хабарни рад этди

UFC президенти Дана Уайт асли арманистонлик, UFC рейтингида иккинчи ўринни эгаллаб турган Арман Царукяннинг ёлғон хабар тарқатаётганини айтмоқда.

У Арманнинг вақтинчалик чемпион Жастин Гэтжининг енгил вазн тоифасида мағлубиятга учрамай келаётган 29 ёшли амалдаги UFC чемпиони Илия Топурия билан жанги учун 1 миллион доллар тикканини рад этди. Уларнинг жанги UFC White House - Freedom 250 турнирининг асосий воқеаси бўлади. Тадбир бизнинг вақт билан 15 июнь куни Вашингтон (АҚШ) шаҳрида бўлиб ўтади.

"Арманнинг 1 миллион доллар тикканида ҳақиқат борми? Йўқ. Эшитишимча, Царукян бундай қилмаган. Унинг дўстларидан бири гаров ўйнаган ва Гэтжининг ғалабасига 1 миллион доллар тиккан. Ажабланарлиси шундаки, кўплаб гаров иловалари бундай катта ставкаларни қўйиш имконини бермайди", - дея Уайтнинг сўзларини келтиради Bloody Elbow портали.