Дана Уайт MVP ва PFL лигаларининг бирлашувига муносабат билдирди

Дана щз муносабатида янги ташкилотда ўз фаолиятига таҳдид соладиган рақибни кўрмаётганини айтди.

"Улар у ерда нима билан шуғулланаётганидан хабарим йўқ. Балки бу мантиқийдир: қачонки ҳеч кимда ҳеч нарса ўхшамаса, бирлашиш керакдир. Келинг, чипталари сотилмайдиган ва ҳеч ким томоша қилмайдиган иккита ташкилотни оламиз, уларни бирлаштирамиз ва яна ҳам каттароқ компания яратамиз, у ҳам чипта сотмайди ва уни ҳам ҳеч ким томоша қилмайди.

Эшитинг, мен буни юз марта айтганман ва ҳозир ҳам такрорлайман – мен уларнинг ҳеч бирини ўзимизга рақиб деб ҳисобламайман. Биз аллақачон бутунлай бошқа даражадамиз. Мен дунёнинг энг йирик спорт лигалари билан рақобатлашаман. Бу йигитлар менинг рақибим эмас. Шунинг учун уларга омад ва энг яхши тилакларимни билдираман", — деди Уайт TheMacLife нашрига берган интервюсида.

Кеча эълон қилинган пресс-релизга кўра, 2027 йил бошидан PFL бренди муомаладан чиқарилади ва янги ташкилот МVP лигаси номи остида фаолиятини давом эттиради. МVP май ойида ўзининг аралаш яккакурашлар бўйича илк тадбирини ўтказган ва у Netflix платформасида трансляция қилинган эди.