Дана Уайт UFC`ни сотиб олишдан олдин қандай қилиб 380 000 доллар ишлаб топганини айтиб берди

Тажрибали аралаш яккакурашлар функционери спорт заллари ва мураббийлик фаолиятидан йилига тахминан 380 000 доллар даромад қилгани ва ўша давр учун бу сумма "жуда яхши даромад" бўлганини таъкидлади.

"Мен Бостондан кетиб, Вегасга келдим. У ерда одамларга мураббийлик қила бошладим, заллар очдим. Ишларим жуда яхши кетаётган эди. Залларим бор эди, қўшимчасига жангчиларни ҳам шуғуллантирардим. Лекин менга сиз каби одамлар ва уй бекалари билан ишлаш кўпроқ ёқади. Сиз келасиз, мақсадга интиласиз ва пул тўлайсиз. Жангчилар эса сенга бир тийин ҳам тўламайди. Менга жангчиларни шуғуллантириш ёқмайди, лекин буни қўшимча иш сифатида қилардим.

Менда муваффақиятли бизнес бор эди. UFC`ни сотиб олишдан олдинги охирги йилда мен машғулотлар ва заллар орқали 380 000 доллар ишлаб топдим. Қўл остимга бир-икки кишини ёлладим, лекин ишнинг асосий қисмини ўзим бажардим. Бу бизнес билан шуғулланган ҳар қандай одам биладики, агар сиз ярим миллион долларга яқин пул ишлаётган бўлсангиз, демак, ишларингиз жуда яхши", — дея Уайтнинг сўзларини келтириб ўтади "dank" Х ижтимоий тармоғида.