13 апр 11:23
Янгиликлар

Бокс/ММА

Даниэль Кормье: "Қандай қилиб бир оёқда чемпионликни қўлга киритиш мумкин?"

Икки вазн тоифасида собиқ UFC чемпиони, ҳозирда лига таҳлилчиси Даниэль Кормье янги зеландиялик Карлос Ульбергнинг ютуғидан ҳайратда.

"Оқшомнинг энг яхши чиқиши учун менинг мукофотим Карлос Ульбергга берилади. Қандай қилиб бир оёқда туриб чемпионлик жангида ғалаба қозониш мумкин? Сен нафақат ғалаба қозондинг, балки рақибингни нокаутга ҳам учратдинг... Табриклайман, чемпион!", - деди Кормье ўз каналида.

Эслатиб ўтамиз, Карлос Ульберг чехиялик Иржи Прохазка билан жанг бошида тиззасидан жиддий жароҳат олган эди. Шунга қарамай, у рақибини биринчи раунддаёқ нокаутга учратиб, ярим оғир вазн тоифасида UFC чемпионлик камарини қўлга киритишга муваффақ бўлди.

Бу камар бразилиялик Алекс Перейра оғир вазн тоифасига ўтганидан кейин бўш қолганди.