13 фев 10:20
Янгиликлар

Теннис

Даниил Медведев 104-ракеткага ютқазиб қўйди

Нидерландиянинг Роттердам шаҳрида теннис бўйича нуфузли ATP турнири давом этмоқда.

Кутилмаганда дунёнинг бешинчи ракеткаси Даниил Медведев мусобақанинг илк давра учрашувида мағлубият аламини тотиб кўрди. Россиялик теннисчи канадалик Вашек Поспишилга имкониятни бой бериб қўйди - 4/6, 3/6.

Бир соату 7 дақиқа давом этган баҳсда 24 ёшли Медведев 7, 29 яшар Вашек эса 8та эйс зарбани амалга оширган. Теннисчиларнинг ўзаро ўтказган учрашувларидаги ҳисоб мувозанати тикланди - 1:1. Энди рейтингнинг 104-поғонасидан жой олган Вашек ABN AMRO World Tennis Tournament мусобақасининг иккинчи босқичида сербиялик Филип Крайиновичга қарши кортга чиқади.