30 окт 13:20
Янгиликлар

Теннис

Даниил Медведев 1/4 финалга чиқди

Россиялик теннисчи Даниил Медведев Венада давом этаётган теннис турнирининг чорак финал иштирокчисига айланди.

Дунёнинг олтинчи ракеткаси 2 дақиқаси кам 2 соат давом этган 2-давра учрашувида рейтингнинг 81-поғонасидан жой олган канадалик Вашек Поспишилдан устун келди - 4/6, 6/3, 6/2.

Баҳс давомида 24 ёшли Даниил 17, 30 яшар Вашек эса 14 та эйс зарбани амалга оширди. Теннисчиларнинг ўзаро учрашувларидаги ҳисоб мувозанати тикланди - 1:1. Энди Медведев Erste Bank Open турнирининг чорак финалида ЖАР вакили Кевин Андерсонга қарши кортга чиқади.