08 фев 12:25
Янгиликлар
Теннис
Даниил Медведев 28 февраль куни жаҳоннинг биринчи ракеткасига айланиши мумкин
US Open-2021 чемпиони, россиялик теннисчи Даниил Медведев 28 февраль куни «Катта Дубулға» туркумига кирувчи турнирларнинг 20 карра чемпиони Новак Жоковични ортда қолдириб, дунёнинг биринчи ракеткаси бўлиши мумкин.
Агар Даниил ҳам, Новак ҳам 28 февралгача бирон бир турнирда ўйнамаса ёки шунчаки очко ололмаса бу содир бўлади. 28 февраль куни Жокович Дубайдаги турнир чемпионлиги учун 500 очко йўқотади. Ушбу муддатгача тўпланган очколар бўлмаса, икки ҳолатда ҳам россиялик теннисчи рейтингда устунликка эга бўлади. Бу ҳолатда Новак Даниилдан 60 очкога ортда қолади.
Агар Даниил ва Новак 21-27 февраль кунлари бирор турнирда ўйнаб, иккаласи ҳам (ҳар бири 500 очко) унвонга эга бўлган тақдирда ҳам барибир Медведев дунёнинг биринчи ракеткасига айланади.
Ҳавола :
Манба : championat.com
Фикрлар