18 май 08:46
Янгиликлар

Теннис

Даниил Медведев 75-ракеткага ютқазиб қўйди

Швейцариянинг Женева шаҳрида теннис бўйича нуфузли ATP турнири давом этмоқда.

Кутилмаганда дунёнинг иккинчи ракеткаси Даниил Медведев ўзининг илк учрашувидаёқ мағлубият аламини тотиб кўрди. Баҳсларга иккинчи даврадан қўшилган россиялик теннисчи ATP рейтингида 75-поғонадан жой олиб турган франциялик Ришар Гаскега 2/6, 6/7(5) ҳисобида имкониятни бой берди.

Теннисчилар кортда 91 дақиқа ҳаракат қилишган. Бу вақт оралиғида 26 ёшли Медведев 7 та, 35 яшар Гаске 2 та эйс зарбасини амалга оширган. Уларнинг ўзаро учрашувларидаги ҳисоб мувозанати тикланди - 2:2.