Данияр Елеусинов ўзбек боксчиларига қарши қийин жангларни эслади

"Кўплаб оғир жанглар бўлган. Катталар ўртасида, эҳтимол Беспутин билан, Сиссоко билан, Станионис билан. Улардан ҳам буни сўраб кўришингиз мумкин. Ўктамжон Раҳмонов ҳам бор эди. Санжарбек Раҳмонов билан Осиё ўйинларидаги тўқнашув ҳам. Бу жанглар ажойиб бўлган. Ёқуб Нуриев билан WSB даги жангни ҳам буларни сафига киртиш мумкин. Беспутин билан ҳам ёшлар, ҳам катталар ўртасидаги баҳсларда рингга чиққанмиз, у билан ҳисобимиз - 1:1".

 У шунингдек, энг ажойиб ғалабаси қайси эканлигини айтди ва ўша вақтдаги ҳис-туйғуларини эслади:

"Албатта, Олимпиада финали. Олма-отада бўлиб ўтган жаҳон чемпионатида кубалик боксчи билан жангни ҳам айтишим мумкин, яхши жанг бўлган эди. Ростини айтсам, Олимпиадада ғолиб бўлиш туйғусини сўз билан ифодалашнинг иложи йўқ. Булар халқим, оилам менга билдирган ишончларини оқлашдек ёқимли туйғуларни берган”, - деди Елеусинов.