Дариуш: "Оливейрадек йигит билан беш раундлик жанг қилиш бефойда"

“Беш раунд? Бизга ҳеч ким таклиф қилмади. Оливейра каби йигит билан бу фойдасиз. У ё ўлдиради ёки уч раундда ўлади. Менимча, Aрман Царукян ёки Матеуш Гамрот каби йигитлар билан беш раунд жанг қилиш кўпроқ маънога эга”, — деди Дариуш матбуот анжуманида.

Дариуш октябрь ойида UFC 280 турнирида ҳакамларнинг якдил қарори билан польшалик Матеуш Гамротни мағлуб этганди. Ўша турнирда Оливейра россиялик Ислам Махачевга муддатидан олдин мағлуб бўлган эди.

11 июнь куни Чарльз Оливейра енгил вазн тоифасида Бенеил Дариушга қарши баҳс олиб боради. Жанг Канаданинг Ванкувер шаҳрида бўлиб ўтади. 

Эслатиб ўтамиз, Оливейра ва Дариуш ўртасидаги жанг аввалига 7 май куни ўтказилган UFC 288 турнирида бўлиб ўтиши керак эди, бироқ ўшанда бразилиялик жароҳати сабаб жанг қилишдан бош тортганди.