11 окт 12:20
Янгиликлар

Теннис

Дарья Касаткина Чжэнчжоуда муваффақиятли старт олди

Дунёнинг 12-ракеткаси Дарья Касаткина Хитойнинг Чжэнчжоу шаҳрида ўтказилаётган нуфузли теннис турниридаги иштирокини бошлади.

Россиялик теннис маликаси иккинчи давра учрашувида WTA рейтингининг 181-поғонасида бораётган венгриялик Тимеа Бабошни 6/1, 7/6(7) ҳисобида мағлубиятга учратди. Икки дақиқаси кам икки соат давом этган баҳсда Касаткина ҳам, Бабош ҳам эйс зарбасини амалга ошира олмади. Қўшхатолар Тимеада кўпроқ бўлди - 8 га 3. Даша 7, Бабош 4 та брейкка эришди.

Теннисчиларнинг ўзаро учинчи учрашувида ҳам Касаткина ғалаба қозонди. Энди у хитойлик Чжуосюань Байга қарши кортга чиқади.