Дарья Касаткина Гранбида 1/4 финалга чиқди

Дунёнинг 10-рақамли теннис маликаси Дарья Касаткина бош соврин учун асосий даъвогарлардан бири бўлиб турибди. Россиялик теннисчи иккинчи давра учрашувида WTA рейтингида 104-поғонадан жой олган польшалик Магдалена Фрешни таслим этди - 6/3, 6/2.

Саксон дақиқа давом этган баҳсда Фреш 1 та эйс, 3 та қўшхато, 2 та брейк қайд этди. Касаткина бу кўрсаткич мос равишда 0, 2, 6 тани ташкил қилган. Теннисчиларнинг ўзаро учрашувларидаги ҳисоб 2:0 кўринишига келди. Энди Дарья ярим финал чиптаси учун испаниялик Нурия Парризас-Диасга қарши кортга чиқади.