30 сен 17:24
Янгиликлар
Бокс/ММА
Дастин Порье жангга тайёрлигини ва рақиб кимлигини айтди
ММАда расман фаолиятини якунлаган Дастин Порье профессионал боксда кучини синаб кўриш нияти борлигини айтди.
У Нейт Диазга қарши рингга кўтарилишга тайёр.
"Zuffa Boxing. 12 раунд. Мен ва Натан — мен буни амалга оширган бўлар эдим. Мен ўтказишим мумкин бўлган ягона жанг – шу бўларди. Мен нафақадаман, лекин Нейт — ўз вақтида мендан қочиб кетган рақибим", — деб ёзди "Бриллиант" ўз ижтимоий тармоғида.
Эслатиб ўтамиз, америкалик жангчилар 2018 йилда Нью-Йоркдаги UFC 230 турнирида тўқнашиши керак эди, аммо жанг бекор қилинган ва тарафлар айбни бир-бирига юклаган эди.
Дастин Порье охирги марта шу йил июлда октагонга кўтарилиб, BMF камари учун бўлган жангда Макс Холлоуэйга ютқазган ва шундан сўнг профессионал фаолиятини якунлаганини эълон қилган.
Ҳавола :
Манба : MMA Junkie
Фикрлар