Дастин Порье Макгрегор қандай ҳолатда Холлоуэйни мағлуб этиши мумкинлигини айтди

Уларнинг жанги UFC 329 турнирининг асосий воқеаси бўлади.

"Конор Нейт Диас каби ёмон ҳолатда бўлади деб ўйламайман. Нейт Майк Перрига қарши жуда ёмон жанг қилганди. Конорнинг зарба кучи йўқолмаган. У жароҳатдан тикланди ва табиий нокаут қилиш қобилиятини сақлаб қолган.

Мен учун асосий савол — у қандай ҳаракат қилади, қанчалик атлетик бўлади ва ҳаракатланиши қандай бўлади. Бу саволларга жавоб топиш керак. Биз уни анчадан бери кўрмадик.

Агар унинг қарши ҳужумлари ва тайминги аввалгидек бўлса, Максни мағлуб этиш имконияти бор.

Мен Максни яхши кўраман, лекин фаолияти давомида у атиги уч марта нокдаунга тушган. Вақт эса барибир ўз таъсирини кўрсатади. У ҳали ёш, аммо жуда кўп зарбалар ўтказиб юборган. Конор эса қаттиқ ура олади.

Қанча вақт жанг қилмаган бўлмасин, унда ҳали ҳам асосий қурол — куч қолган. Айрим жангчиларда бу туғма бўлади", — деди Порье.