Дастин Порье Махачевдан кечирим сўради

Оқшомнинг марказий жангида енгил вазн тоифаси чемпиони Ислам Махачевга қарши октагонга чиқадиган Дастин Порье кеча матбуот анжуманида рақиби шаънига ўта қўпол сўз айтганди. Америкалик аралаш яккакураш устаси Исламга қарата ҳароми (motherf*cker) деган сўзни ишлатганди. "Бриллиант" ана шу сўзи учун тарозидан ўтиш маросимида Махачевдан узр сўради. 

"Сен мени жуда яхши биласан. Мен ҳеч қачон сенинг оиланг шаънига номақбул сўзларни айтмаганман. Гарчи ўртамизда уруш, душманчилик бўлса-да, лекин оилангни ҳақорат қилишни истамагандим. Бу гапларни сенга чин юракдан айтяпман", - деди Порье.

"Ўзингни оқлашга уринишингни тушунишга ҳаракат қиляпман. Бу сўзлар бизда яхши қабул қилинмайди. Балки, АҚШда бу оддий ҳолдир, лекин бизнинг давлатда бундай эмас", - дея Дастиннинг узрига жавоб берган Махачев.